1314 Mai 17. Brieg

Jurisdiktionsprivilegium.

In nomine domini amen. Ne ea, que a nobis aguntur, debite certitudinis robur amittant, libet ea scripti testimonio memorie commendare. Igitur nos Bolezlaus dei gracia dux Slesie et dom. Legeniczensis notum esse volumus universis tam presentibus quam futuris presencium noticiam habituris, quod considerata et diligenter visa fidelitate et serviciis nobis per nostrum fidelem hereditarium advocatum Hildebrandum nostri civitatis Bregensis exhibitis et inpensis et adhuc in posterum inpendendis, ut merita meritorum vicissitudine se gaudeant repensari et beneficio oviare beneficiis videamur, volentes in ipsum nostre munificencie indicia favorabiliter exercere, ita ut omnes cives seu incole et universi, cujuscunque condicionis fuerint, qui predicte civitatis et advocati ejusdem hereditarii juridicionis (!) ambitu continentur, coram nobis vel alio judice nostro quocunque de quacunque causa vel negocio parvo vel magno in perpetuum nunquam evocari, debent vel conveniri nec aliquotenus respondere, nisi prius coram nostro advocato Hildebrando seu judice hereditario nostre civitatis supradicte et suis posteris juri pareant et de singulis plenius exhibeant justicie conplementum, hoc duntaxat excepto, si aliquis coram Hildebrando memorato et suis posteris pro quacunque causa vel negocio parvo vel magno fuerit inpulsatus et accusans seu respondens suis volens nostre curie tractum comparare denariis, eidem nullatenus secundum juris exigenciam prohibemus, adtamen per hoc ipsum Hildebrandum prenotatum et suos posteros de , ipsorum debita porcione ipsos jure contingente nequaquam esse volumus elongatos. Ut autem omnia premissa a nobis et a nostris successoribus, quibus, quod nobis licere non patimur judicamus (sic), inconvulsa perseverent, presentes fieri et nostri sigilli munimine jussimus consignari. Actum in Brega, presentibus nostris fidelibus Alberto Barba, Johanne de Golsyn, Thymone de Koldicz, Heinczcone de Marschowicz, Vincencio de Schiltberc, Wischcone de Schiltberc et aliis multis ad hoc vocatis et rogatis et datum per manus Henrici de Zalczburn notarii curie nostre, in crastino ascensionis domini a.° dom. M° trecent.° decimo quarto.

An rothen Seidenfäden das Siegel des Herzogs. Derselbe steht zu Fuss mit hohem Helmschmuck unter einem gothischen Spitzbogen, zu beiden Seiten unter kleineren Bogen 2 Hornbläser. Umschrift: S. BOLEZ... GRA. DUCIS SLEZIE ET DNI DE LIGNICZ.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.